3.3.3 Fa’aaliga Ulua’i Seleselega (US)

O le taunu’uga o Polokalame i lalo o le vaega o Atina’e Gafataulimaina o le Ulua’i Seleselega a le Itumalo. O le sini autu o lenei aso o le maua lea o le avanoa mo le aufaifa’atoaga ina ia fa’alauiloa ma fa’atau atu a latou fua o fa’aeleeleaga. E 225 i latou na fa’aali fua o a latou atina’e ma sa fa’aaluina ai le $84,840 i ponesi mo i latou na maua a latou togi i lea aso. O le Uluai Seleselega muamua lea ua faia e Palauli II ma sa maitauina le to’atele o le itumalo na auai. Sa mafai foi ona auai mai ai le Minisita o Fa’atoaga, le Afioga ia La’aulialemalie Leuatea Polataivao, sui o le Palemene fa’apea le aufaigaluega a le Malo e molimauina lea aso.