3.1.1 Fa’aleleia le Soifua Manuia

3.1 SOIFUAGA SAOGALEMU 

3.1.1 Fa’aleleia le Soifua Manuia 

Fa’aleleia o Paipa mole Vai 

O le fuafuaga alualu mamao o le fa’aleleia o le laina autu o le suavai ma ua uma foi ona pasia le $100,000 mo le fa’aleleia o le suavai i totonu ole itumalo ae o lo’o talia pea le fa’ao’o mai o le talosaga a palama o le itumalo i le Fono Fa’avae mo le fa’amatuuina atu o lea seleni aua lea galuega tele. O lo’o teu pea i le tusi tupe a le Fono Fa’avae le $100,000 lea. 

Fale Apitaga mo e mana’omia 

O le sini autu o lenei Polokalame o le fesoasoani atu i nisi o aiga lima vaivai e auala i le fausiaina o fale apitaga ina ia mautinoa le mama ma le malu puipuia o a latou soifua. Sa tele se taimi o tau fuafua lenei Polokalame ma sa tau fetu’una’i vaega eseese e pei o le ata o fale, o vaega e tapenaina e le aiga ma isi. E pei ona tu’uina atu i lalo, e ta’i lua aiga mai le nu’u sa filifilia e amata iai lenei Polokalame, ma le fa’amoemoe e fa’aauau i isi tausaga fa’aletupe o i le lumana’i. Sa tu’u lava Nu’u ta’itasi e auala atu i a latou sui o lo’o i le Fono Fa’avae le filifiliga o nei aiga. E pei ona tu’uina atu i le Siata 10, e 74 tagata mai aiga e 10 ua manuia ona lenei Polokalame, e to’a 2 e o lo’o maua i a’afiaga tumau o le tino po’o le mafaufau (disability) ma e na o le to’afa tagata mai le 74 o lo’o galulue i galuega totogi (Employed).

SIATA 10: FA’AMATALAGA O LE POLOKALAME O FALE APITAGA

Tane Vai mo aiga leai se vai 

Tane vai o le isi lea poloketi sa fuafuaina aua le fa’aleleia o le suavai taumafa i totonu o le itumalo aemaise lava aiga e le o o’o iai le laina autu. O le afioaga o Gataivai i le pito i sisifo lea ua fa’amatu’u iai tane vai e ono ona e le o mafai ona o’o iai le laina autu ae o le afioaga o Sili i le isi itu vai ua fa‘asoa atu iai tane vai e lima mo nai aiga e leo mafai ona maua le suavai. O lo’o fa’ailoa atu i lalo le aofaiga o tagata (ali’i / tama’ita’i) ua fa’amanuiaina i lenei Polokalame. 

SIATA 11: FA’AMATALAGA O LE POLOKALAME MO TANE VAI