3.3.2 Fa’atupulaia Atina’e Measina

O le agaga o lenei Polokalame ina ia fa’atumauina le lalagaina e tina o mea lalaga ma mea taulima e ala lea ile fa’amalosia ona toe fa’aleleia falelalaga a matuau’u ma le au seepapa. Sa faia lesitala mai fale lalaga a nu’u taitasi mo lea fa’amoemoe ma e 182 i latou na uluai lesitala. E 125 i latou na auai i le Ulua’i Seleselega ma sa asia a latou mea lalaga ma mea taulima ma fa’amautu po o ua maea ona fa’atinoina. Mai le $35,000 na fuafua mo lenei vaega, e $31,470 le tupe na fa’aaluina aua ponesi mo i latou uma sa lesitala ma mae’a ona lalagaina ietoga, fala, ma mea taulima.