3.1.2 Fesoasoani i A’oaoga
E tolu vaega taua na fuafua e fa’atino ai galuega aua le fa’aleleia o a’oaoga. O vaega nei e aofia ai:
- Fesoasoani i pili aoga maualuga (NUS, USP ma le Matata Eseese i Uesiliana).
- Fesoasoani mo le fa’aleleia o Aoga Amata a le Itumalo.
- Fesoasoani i le fa’atautaia o se Polokalame mo le Soifua Fa’aleagaga.
E na o le vaega muamua ma le lona lua na fa’atinoina i le tausaga fa’aletupe Iulai 2022 – Iuni 2022 ona o ni mafuaaga le maalofia. O lo’o fuafua e fa’atino lenei vaega i le tausaga fa’aletupe fou.
Fesoasoani mo pili Aoga Maualuga
SIATA 12: FA’AMATALAGA O LE FESOASOANI MO PILI AOGA
| AOGA | TAMAITI AOGA | TAMAITAI | ALII | FAIAOGA | FESOASOANI |
|---|---|---|---|---|---|
| Aoga Amata i Sili | 92 | 50 | 42 | 4 | WS$7,000.00 |
| Aoga Amata i Gautavai | 30 | 15 | 15 | 2 | WS$7,000.00 |
| Aoga Amata i Gataivai | 100 | 55 | 45 | 4 | WS$7,000.00 |
| AOFAI | 222 | 120 | 102 | 10 | WS$21,000.00 |
Sa tapenaina e le Soakomiti ni ta’iala mo le fa’aogaina o lenei fesoasoani ma sa pasia e le Fono Fa’avae ma tu’uina atu i le Ofisa mo le tapenaina o le Maliega (Agreement) i le va o Aoga Amata ma le Fono Fa’avae. O se tasi o tu’utuuga o lenei Maliega o le tu’uina mai lea o Lipoti o le Fa’aaogaina o Tupe (Acquittal Report) e aofia ai ma lisiti e lagolago ai vaega sa fa’aaoga ai tupe.
O vaega na fa’aaoga iai nei tupe e pei ona lipotia mai e Aoga Amata ta’itasi ma fa’amaonia e le Ofisa o lo’o tu’uina atu i le Siata 14.
SIATA 14: FA’AAOGAINA O LE FESOASOANI
| Aoga Amata | Vaega na fa’aaoga iai le fesoasoani |
|---|---|
| Sili | Fa’aleleia le faleui ma le umukuka fa’apea le fola (tile) o le faleaoga. |
| Gautavai | Fai ai le vaitaele mo tamaiti fa’apea le fa’atotogaina o le faleaoga. |
| Gataivai | Fesoasoani i le fa’amae’aina o le galuega mo le fa’aleleia o le faleai a tamaiti aoga. |
